Te rejat e fundit e shkences

Titulli: Te rejat e fundit e shkences Wed Oct 28, 2009 12:28 pm

Asus prezanton monitorin e parë me Wireless-USB
Me pak kabllo nën tavolinën tuaj; seria e re EZLINK e monitorëve nga prodhuesi ASUS nuk përmban kabllo për t'u lidhur me kompjuter.

Transmetimi i të dhënave prej kompjuterit në ekranin LCD realizohet përmes Wireless USB. Megjithatë, kjo pajisje ofron kualitet dhe funksionalitet të njëjtë sikur modelet aktuale me kabllo, deklaron ASUS. Lidhja krijohet automatikisht.

Me një WUSB-Adapter përkatës mund të lidhen deri në 6 monitorë njëkohësisht. Për të dhëna të tjera teknike, çmimin dhe kohën e daljes në treg nuk kemi njohuri ende. Një model i tillë i paraqitur në panairin CeBIT punonte pa probleme.
Te rejat e fundit e shkences 11659

Titulli: Re: Te rejat e fundit e shkences Wed Oct 28, 2009 12:29 pm

Stresi termik: Ditët e nxehta dhe me lagështi të rrezikshme për zemrën
Veçanërisht janë të rrezikuar të sëmurët kronik dhe meteoropatët, personat tek të cilët përkeqësimi i sëmundjes ose pengesat e ndryshme shëndetësore rregullisht paraqiten në kushtet e pavolitshme kohore.

Kokëdhembja, pagjumësia dhe shqetësimi janë shpesh pasojë e ndryshimeve të shpejta të temperaturës.

Ditët e nxehta dhe mbrëmjet me shi ndikojnë që edhe personat më të shëndetshëm të ndihen keq.

Ndryshimet e shpeshta veçanërisht ato që ndodhin brenda ditës, janë stres i vërtetë për organizëm i cili përpiqet të adaptohet. Shumica e njerëzve ankohen në simptoma të lehta dhe shqetësime, ndërsa individ ndiejnë marrëmendje të forta, dhembje, nauze . . .

Veçanërisht janë të rrezikuar të sëmurët kronik dhe meteoropatët, personat tek të cilët përkeqësimi i sëmundjes ose pengesat e ndryshme shëndetësore rregullisht paraqiten në kushtet e pavolitshme kohore.

SIMPTOMAT

Simptomat më të shpeshta që ankohen meteoropatët janë: çrregullimi i gjumit (pagjumësia ose gjumëvazhdimësia), lodhja, kokëdhembja dhe migrena, marrëmendja, dhembje në nyje me muskuj, probleme me ritmin e zemrës (më së shpeshti të rrahura të shpejtuara), frymëzërje, sulme astmatike, shqetësime, depresion dhe tension të lartë.

Përveç njerëzve të shëndoshë të cilët 24 deri 48 orë para ndryshimeve të kohës fillojnë të ndiejnë pengesa, tek një numër i madh i sëmundjeve kronike simptomat përkeqësohen në kushtet kohore.

Nxehtësia, që e ndiejmë këto ditë, negativisht ndikon te personat që kanë probleme me sëmunjdet e enëve të gjakut, për të cilat gjithashtu është tejet i rrezikshëm edhe era e nxehtë e cila mund të shkaktojë sulm në zemër ose në tru.

Nga ndryshimet e shpejta veçanërisht duhen të ruhen të sëmurët e zemrës ngase kur rritet lagështia e ajrit, zemra punon me vështirësi nëse ekspozohet mundit fizik.

Gjithashtu, këto ditë janë të rrezikshme për të sëmurët e sistemit të frymëmarrjes, personat me ulçer, të sëmurët psikik, dhe ata që vuajnë nga alergjitë.

ADAPTIMI

Meqë në kohë nuk mund të ndikojmë, na mbetet vetëm që të adaptohemi. Personat e ndieshëm duhet që rregullisht të përcjellin prognozën biometerologjike.

Mjekët tërheqin vëmendjen që personat e moshuar dhe të sëmurët kronik janë zakonisht mirë të përgatitur për këto periudha, sepse i përmbahen këshillës së mjekut dhe terapinë me ilaçe e adaptojnë me kushtet klimatike, dhe ndihma e shpejtë më së shpeshti intervenon tek njerëzit e rinj të cilët mendojnë se janë të shëndoshë dhe nuk brengosen për ndryshimet kohore.

NGADHËNJENI NXEHTËSINË

Gjatë kushteve të përkeqësuara biometerologjike vështirësitë më lehtë do t'i përballoni nëse u përmbaheni këtye këshillave: largohuni nga tollovia, pini mjaft lëngje, mbani syzet për diell dhe kapelë, veshuni në harmoni me temperaturën e ajrit.

Kripërat dhe mineralet që humbasni me djerësitje zëvendësoni me pemë dhe perime të freskëta, lëngje frutesh dhe pije ekzotike, si dhe me rëndësi është me respektuar përkufizimet e trupit tënd, që d.m.th. punët e rënda nuk duhet kryer në kohën e mesditës si dhe gjatë ditëve të rënda dhe të vështira në mënyrë gjenerale sa më pak duhet marrur me aktivitete të rënda fizike.

Nëse pengesat tuaja ose sëmundja primare është shumë e shprehur, sa më shumë pushoni dhe kaloni kohën më të madhe në hapësirë të klimatizuar.

Titulli: Re: Te rejat e fundit e shkences Wed Oct 28, 2009 12:33 pm

Microsoft lëshon Service Pack 2 për Vistan
Microsoft, siç edhe ka paralajmëruar, ka lëshuar Service Pack 2 për sistemin e vet operativ Vista. Gjithsesi u rekomandojmë të gjithë përdoruesve të instalojnë këtë përmbledhje arnimesh dhe përmirësimesh.
Në mënyrë që të instaloni SP2, së pari në Vista duhet të keni të instaluar Service Packun e parë (SP1). SP2 në versionin për Vistan 32-bitëshe ka rreth 380 megabajt dhe sjell mbështetje për harduerin e ri si dhe përmirëson gabime dhe lëshime të shumta të sigurisë të cilat janë gjetur pas daljes së Service Packut të parë.

Listën komplete të risive në SP2 mund ta gjeni në faqet zyrtare të kompanisë Microsoft, e në mesin e ndryshimeve më të rëndësishme janë mbështetja për Bluetooth e Wi-Fi, mundësia e incizimit të dhënave në mediumet Blu-ray, kërkim më i përmirësuar dhe mbështetje për procesorët 64-bitësh të kompanisë VIA.

Titulli: Re: Te rejat e fundit e shkences Wed Oct 28, 2009 12:33 pm

Niveli i detit do të ngrihet më shumë se parashikimet
Specialistët e mjedisit paralajmërojnë se niveli i detit si pasojë e ngrohjes globale do të mund të ngrihet dy herë më shumë se parashikimet dhe kërkojnë marrjen e masave urgjen

Ekspertët e mjedisit paralajmërojnë për ngritje të nivelit të detit dy herë më shumë se parashikimet për shkak të ngrohjes globale dhe kërkojnë marrjen e masave urgjente.

Afërsisht 2 mijë ekspertë të ndryshimit të klimës u takuan në konferencën e organizuar në kryeqytetin e Danimarkës, Kopenhagë për të bërë punime mbi studimet e fundit që janë bërë mbi ngrohjen globale.

Ekspertët kanë rishikuar matjet dhe të dhënat e fundit dhe kanë arritur në përfundimin që niveli i detit do të mund të lartësohet dy herë më shumë se sa ishte parashikuar, pra rreth 1 metër.

Shkencëtarët ripërsëritën vërejtjen e tyre që nëse nuk reduktohet emetimi i gazrave që shkaktojnë efektin e serës, efekt që shkakton ngrohjen globale, pjesët e ulëta bregdetare, ku jeton 1/10 e popullsisë së botës do të mbeten nën ujë, si dhe do të ndikohet jeta e 600 milionë njerëzve.

Në raportin gjithëpërfshirës të Panelit të OKB-së për Klimën ishte bërë e ditur që në fund të shekullit niveli i detit do të ngrihet me 58 cm.

Edhe rezultatet e hulumtimeve të bëra në pole vënë në dukje se shkrirja e akullnajave, posaçërisht në Polin e Jugut, është në përmasa më të përhapura dhe më shqetësuese nga parashikimet e mëparshme.

Shkencëtarët paralajmërojnë për dështim të përpjekjeve për të mbajtur nën dy gradë rritjen e temperaturës globale dhe tërheqin vëmendjen që nuk janë të mjaftueshme as parashikimet e dy viteve më parë.

Vendet e industrializuara janë përgjegjëse për emetimin e 90% të gazrave që shkaktojnë efektin e serës. Vetëm SHBA-s emetojnë ¼ e gazrave të përgjithshme qe çlirohen në atmosferë.

Titulli: Re: Te rejat e fundit e shkences Thu Oct 29, 2009 2:15 pm

2012, viti i fundit të botës?
Parashikimi i një fizikani amerikan që i bazon bindjet e tij në kalendarin e fisit Maja

Shpërthime vullkanike të mëdha,
stuhi magnetike, rrezatime nga
hapësira etj... Pas vetëm katër
vjetësh në Tokë do të mbretërojë ferri, ose
të paktën sipas Laurenc Xhozef, fizikan
nga SHBA dhe autori i librit "Apokalipsi
2012". Bindjet e tij bazohen në një fakt: më
12 dhjetor të vitit 2012 do të përfundojë
cikli i kalendarit Maja, qytetërimi misterioz
që banoi në Amerikën Qendrore nga viti
1800 përpara Krishtit deri në vitit 1450 pas
Krishtit. Për më shumë të nesërmen e asaj
dite do të ndodhë solstici dimëror dhe
Dielli do të pozicionohet me qendrën e
Rrugës së Qumështit për herë të parë pas
26 mijë vjetësh...a duhet të shqetësohemi?
Pozicionimi astronomik nuk do të jetë
i rrezikshëm, të paktën sipas shkencëtarëve
që e mbikëqyrin hapësirën
në vazhdimësi. Për shembull në vitin 2002
pesë planetë u pozicionuan në një vijë të
drejtë në harkun e 33 gradëve pa shkaktuar
asnjë pasojë në kozmos. Ndërsa kultura
Maja ishte një nga më komplekset në
botë dhe shquhej për diturinë në fushën
e matematikës dhe astronomisë.
Por e gjitha kjo po krijon një klimë
ankthi në lidhje me vitin 2012 që kujton
pak a shumë atë të vitit 2000. Kur sipas
raporteve në të gjithë botën u shpenzuan
rreth 300 miliardë dollarë për të ndërhyrë
në sistemet informatike dhe për të parandaluar
katastrofën e madhe. Por, gjithsesi,
ne jemi bijë të një apokalipsi. Gjashtëdhjetepesë
milionë vjet më parë, toka u
trondit nga një kataklizëm i vërtetë. Një
meteor tepër i madh me një diametër rreth
10 km, ndezi në flakë atmosferën dhe u
përplas në brigjet Yukatan (në Meksikë)
duke shkaktuar një krater të gjerë më
shumë se 100 kilometra dhe një re pluhuri
që do ta mbulonte të gjithë tokën për vite
me radhë si një perde e zezë. Dhe përfundoi
kështu epoka e dinozaurëve, reptilët
e mëdhenj që për miliona vjet kanë qenë
"të zotët" e planetit. Ndërsa në atë epokë,
gjitarët kishin arrinin madhësinë fizike të
një qeni. Por çuditërisht ata i mbijetuan
katastrofës. Dhe madje përfituan nga ajo:
duke mos qenë më të kërcënuar nga zvarranikët
gjigantë filluan të evoluonin derisa
u bënë ata dominuesit e vërtetë të
planetit Tokë.
Epoka e re e gurit
Edhe në ditët e sotme, siç ndodhi në
vitin 1999, disa e lidhin këtë histori me
Nostradamusin (Michel de Notre-Dame,
1503-1566). Por në fakt, Nostradamusi e
kishte parashikuar katastrofën edhe disa
herë të tjera në shekujt e kaluar, por asnjë
informacion nuk lidhet me vitin 2012. Një
hipotezë më shkencore apokalipsi është
teoria e Olduvait, e formuluar në vitin 1989
nga inxhinieri Riçard Dukan, mbi bazën e
të dhënave botërore mbi energjinë dhe
popullsinë. Hipoteza e merr emrin nga
ultësira e Olduvait në Tanzani, duke u
konsideruar si një metaforë e kohës së
gurit të cilës ka mundësi që t‘i rikthehemi
pas vitit 2012...por hipoteza të tilla tashmë
na kanë bërë tepër skeptikë, pasi të tilla
katastrofa janë parashikuar që nga viti
1979 deri në 2008, por që asnjë prej tyre
nuk rezultoi e vërtetë.
Por ka pasur edhe raste tragjike si
"Heaven‘s Gate": në vitin 1997 39 persona
u vetëvranë me shpresën se do të arrinin
në një "nivel superior" përpara se bota
të shkatërrohej. Një bindje që thellohet së
tepërmi mund të ketë rrënjë politike dhe
sociale, mbi të gjitha nëse përcillet nga
persona që kanë pozicione të fuqishme.
Të influencohesh nga mendimi i një
apokalipsi do të thotë ta lëshosh veten në
një rrjedhë mendimesh duke mos bërë
asgjë për të parandaluar. Ose mund të
klasifikohet edhe si një sjellje që bën reale
një profeci.

Une se Besoj ket gjo

» Te Rejat E Fundit Te Shkences ?